Chuir imeacht na mboinn leithleacha Éireannacha tar éis Acht an Aontais agus an méadú in úsáid nótaí bainc timpeall an ama céanna, tús le forbairt nua i scéal an airgid. Ar feadh céad bliain ina dhiaidh sin, ba iad boinn chaighdeánacha na Breataine amháin a bhí ar fáil in Éirinn.

1916-1921: Ré an Neamhspleáchais

Cuireadh tús le caibidil nua sa scéal mar thoradh ar mhórimeachtaí na tréimhse ó 1916 go dtí 1921 agus bunú an tSaorstáit, agus eisíodh córas airgid nua don Éire nua. Bhí go leor de na dearthaí, a roghnaigh coiste a raibh W.B. Yeats mar chathaoirleach air, linn fós go dtí 2001.

1971: Deachúlú

I measc na gclocha míle eile bhí an deachúlú i 1971, nuair a glacadh leis na dearthaí Ceilteacha a chuir an t-ealaíontóir Gabriel Hayes ar fáil i gcomhair an phíosa dhá phingine, an pingin agus an leathphingin nua.

2002: Cuirtear tús leis an Euro

Ar deireadh thiar thall, tugtar an scéal go dtí an lá atá inniu ann, le tús an Euro, a thugann tréimhse nua isteach agus a chuireann deireadh leis an scéal faoi bhoinn agus faoi airgeadra na hÉireann.