• Taispeántas ilmheán, buaicphointe Chónaitheacht Ealaíontóra trí bliana a rinne Anthony Haughey, arna léiriú ag Maolíosa Boyle agus Jonathan Cummins
• I measc na mbuaicphointí tá ‘A Dress for Akunma’ (Gúna do Akunma), éadaí iontacha a chomhcheanglaíonn script Ogham na hÉireann agus Nsibidi, ‘A Manifesto for A Future Ireland’ (Forógra d’Éirinn na Todhchaí) ar toradh é  ar chúig Chomhthionól de Dhaoine Óga a reáchtáladh anuraidh, agus Remember to Forget the Past (Cuimhnigh an tAm atá Caite a Ligean i nDearmad), gearrscannán ina bhfuil. triúr ban Éireannach ón Afraic ag plé déantúsáin ó bhailiúcháin Eitneagrafaíochta an Mhúsaeim, agus an tslí ar mhúnlaigh scáth an choilíneachais sa naoú haois déag agus san fhichiú haois a saol.
   

“Sa taispeántas we make our own histories (is muid údair ár scéalta féin) smaoinímid ar an tslí is féidir spásanna don idirphlé agus do chomhráite a chuireann dúshlán dúinn agus a chothaíonn muid ag an am céanna a dhéanamh dár n-institiúidí náisiúnta cultúrtha. Léiríonn sé conas is féidir linn, trí rochtain níos fearr ar ár mbailiúcháin a thabhairt, áiteanna tacúla a dhéanamh dínn féin do shaothair nua ina scrúdaítear eispéiris ríthábhachtacha ár linne féin laistigh de thuiscint ar ghníomhartha stairiúla agus a dtionchair. Tá sé spreagúil comhoibrithe féideartha amach anseo a shamhlú, ar mhodh cónaitheachta Anthony, trína n-osclaítear an bailiúchán do léirmhíniú agus scrúdú níos leithne, ionas go mbeidh sé níos ábhartha do ghrúpaí éagsúla sa todhchaí agus go samhlóidh siad go mbaineann sé go díreach leo.”

“Ba é fáil amach faoi ról mo sheanathar i gCogadh na Saoirse 1922, atá doiciméadaithe i mBiúró na Staire Míleata, a threoraigh chuig an gcónaitheacht mé. An toradh ná  contanam stairiúil trína múnlaítear ár n-aitheantais i dteannta a chéile agus a chuireann bonn eolais fúthu. Sna blianta amach romhainn tabharfaidh Akunma cuairt ar Ard-Mhúsaem na hÉireann lena hiníon déagóra, Kosi Anaya agus a mac Kamsi Reign. Samhlaigh an t-iontas a bhí orthu nuair a fheicfidh siad an gúna a rinneadh dá máthair in 2022 – cuid de bhuanbhailiúchán an Mhúsaeim, saothar ealaíne ina bhfáiltítear roimh fhéiniúlachtaí traschultúrtha agus roimh Éirinn atá ag athrú ó bhonn.”

“go n-aibhsíonn sé a thábhachtaí atá sé cuireadh a thabhairt d’ealaíontóirí na linne seo isteach inár n-institiúidí cultúrtha chun rudaí a nochtadh, a athfhrámú agus a mhíniú dúinn ar shlite trínar féidir linn cé muid féin a athbhreithniú.”

• A Dress for Akunma (Gúna do Akunma) (2021) agus A Dress for Ramleh (Gúna do Ramlah) (2023)

• Bratach ar son na hÉireann                                                                                                              Thug Haughey cuireadh do níos mó ná 300 rannpháirtí i sraith ceardlann faoi stiúir ealaíontóirí chun bratach na hÉireann a athshamhlú, céad bliain ó bunaíodh an stát, a d’fhéadfadh ionadaíocht a dhéanamh do dhaoine ó gach cultúr agus traidisiún. Sa taispeántas, is féidir le cuairteoirí na 306 dearadh bratach a fheiceáil i sraith leabhar a rinneadh go speisialta, chomh maith le dul i ngleic le 40 bratach saolré atá ar taispeáint ar cuaillí bratach. Spreagfar cuairteoirí ar an taispeántas a ndearaí bratach féin a chruthú ar chártaí freagartha i spás machnaimh an taispeántais.
   
• Tionól na nDaoine Óga
• D’oibrigh Haughey le daoine óga ó chúig iar-bhunscoil ó Shligeach, Luimneach, Béal Feirste, an Clár agus Baile Átha Cliath chun a bhForógraí féin d’Éire na Todhchaí a dhréachtú. Thionóil gach scoil a Tionól féin, i Seomra Ceirmeachta Ard-Mhúsaem na hÉireann – Seandálaíocht i Márta 2023. I suiteáil Haughey feictear an bord ag ar tharla na Tionóil agus cúig mhonatóir dealbhóireachta soghluaiste saincheaptha a thaispeánann píosaí scannáin lúbtha de na Tionóil, cleachtadh sa daonlathas breithniúcháin ina bpléitear saincheisteanna práinneacha atá le réiteach ag an nglúin seo.
   
• Remember to Forget the Past (Cuimhnigh an tAm atá Caite a Ligean i nDearmad)                    
• Sa ghearrscannán seo, pléann triúr ban Éireannach ón Afraic, Leina Ibnouf, Lauretta Igbosonu agus Rita Petlane, déantáin a roghnaigh siad ó bhailiúcháin Eitneagrafacha an Mhúsaeim, a roghnaíodh don bhrí speisialta a bhí acu do thriúr ban Éireannach seo a tháinig, faoi seach, ón tSúdáin, ón Nigéir agus An Afraic Theas.  In éineacht le Haughey agus an coimeádaí Aoife O’Brien, fiosraíonn na mná conas a mhúnlaigh scáth an choilíneachais sa naoú haois déag agus san fhichiú haois a saol.
  Léiríonn Lauretta Igbosonu, duine de chomhoibrithe an tionscadail, sa scannán Remember to Forget the Past (Cuimhnigh an tAm atá Caite a Ligean i nDearmad), “Sílim gur áiteanna caointa iad músaeim. Tá sé cosúil le cuairt a thabhairt ar reilig nó fothracha ré  impiriúil atá gafa thart mar a dtagann leaganacha den stair agus cuimhní cinn le chéile. Ach ar nós an fhéinics a éiríonn as an luaithreach, is áit é freisin atá lán d’fhéidearthachtaí spreagúla inar féidir linn ár stair féin a athshamhlú agus a fháil ar ais.”

• Ard-Mhúsaem na hÉireann – Seandálaíocht (Sráid Chill Dara, Baile Átha Cliath)
• Ard-Mhúsaem na hÉireann – Stair an Dúlra (Sráid Mhuirfean, Baile Átha Cliath 2)
• Ard-Mhúsaem na hÉireann – Ealaíona Maisiúla & Stair (Dún Uí Choileáin, Baile Átha Cliath)
• Ard-Mhúsaem na hÉireann – Saol na Tuaithe (Páirc Thurlaigh, Caisleán an Bharraigh, Co. Mhaigh Eo)
• Ionad Acmhainne na mBailiúchán (Sord) (Níl sé ar oscailt don phobal)