Le linn Sheachtain na Gaeilge i mbliana, bain triail as gníomhaíochtaí ar líne atá bunaithe ar bhailiúcháin de chuid Ard-Mhúsaem na hÉireann – Stair an Dúlra, nó "An Zú Marbh!" mar a thugtar go ceanúil air!
 

Breathnaigh ar fhíseáin agus tú ar do chompord i do theach féin agus foghlaim faoi ainmhithe díothaithe agus faoin tseitheadóireacht agus breathnaigh ar thaispeántas na mbéar sa Mhúsaem agus foghlaim fúthu!
 
Tabhair faoi dhúshlán trí bhileog ghníomhaíochta a úsáid agus cuirfidh tú le do stór focal Gaeilge. Faigh eolas faoi iontaisí iontacha ón Oighearaois d'ainmhithe a mhair in Éirinn na mílte bliain ó shin! Nó déan cuardach focal séasúrach a bhaineann le fiadhúlra na hÉireann. 
 

• Chun féachaint ar fhíseáin faoi ainmhithe díothaithe tabhair cuairt ar an Seinnliosta ar YouTube ‘An Músaem sa Bhaile – Díothú’.

• Cliceáil ar ‘Cad é an Difríocht idir Ainmhithe Bréige agus Ainmhithe Stuáilte sa Mhúsaem’ chun féachaint ar fhíseán faoin tseitheadóireacht? 

• Cliceáil ar ‘Fine na mBéar’ chun féachaint ar fhíseán faoi bhéir.

• Tabhair cuairt ar ‘Éire san Oighearaois: Iontaisí Iontacha’  chun foghlaim faoi iontaisí iontacha ón Oighearaois in Éirinn.

• Cliceáil ar ‘Cuardaigh Focail Shéasúracha’ chun eolas a fháil faoi na séasúir agus faoi fhiadhúlra na hÉireann ag an Músaem.
   

Tá na gníomhaíochtaí ar líne seo dírithe ar pháistí idir 5 bliana d’aois agus 12 bhliain d’aois agus tá baint acu leis an gCuraclam Eolaíochta d'Oideachas Sóisialta, Imshaoil agus Eolaíochta (OSIE.). Is féidir breathnú orthu seo sa bhaile nó iad a íoslódáil agus a phriontáil ann mar ghníomhaíocht teaghlaigh, nó is féidir le múinteoirí agus daltaí iad a úsáid sa bhunscoil.
 
Cliceáil ar an gcnaipe socruithe atá le fáil ag bun an fhíseáin, agus ansin cliceáil ar 'fotheidil' agus roghnaigh 'Gaeilge' chun go mbeidh fotheidil i nGaeilge le feiceáil ar an bhfíseáin a roghnaigh tú.
 
Fiosrúcháin: educationnh@museum.ie