Is grúpa ceardaithe cumasacha é an Ciorcal Cniotála agus Cróiseála a bhfuil spéis mhór acu i ngach rud lomrach!
Stair agus aidhmeanna an ghrúpa
Cuireadh tús leis an gCiorcal Cniotála agus Cróiseála ag Ard-Mhúsaem na hÉireann – Saol na Tuaithe in 2008 agus chuaigh sé ó neart go neart gach bliain.
Bhí an Ciorcal Cniotála thar a bheith réamhghníomhach le linn a gcuid ama ag an Músaem. Chuidigh siad le Curiarracht Dhomhanda Guinness a bhriseadh ag Páirc de hÍde, Ros Comáin. Bhí siad rannpháirteach freisin i roinnt tionscnamh carthanachta lenar áiríodh hataí, scaifeanna agus buataisí a dhéanamh do Chlann Shíomóin.
Bíonn fonn orthu a gcuid scileanna a theagasc do dhaoine eile agus glacann siad páirt i bhfor-rochtain chuig scoileanna áitiúla sa cheantar d’fhonn cniotáil a theagasc.
Conas a bheith rannpháirteach
Cuireann Ciorcal Cniotála agus Cróiseála fáilte roimh bhaill an phobail a bhfuil spéis acu i bhfáil amach níos mó chun teacht chuig a gcruinnithe. Brabhsáil an Féilire Imeachtaí chun sonraí a aimsiú faoi chéad chruinniú eile an ghrúpa.
Tabhair cuairt ar an gCiorcal Cniotála ar an gcéad Aoine agus an tríú Aoine den mhí ag Ard-Mhúsaem na hÉireann – Saol na Tuaithe ó 11rn go 1in. Níl aon táille freastail ná áirithint riachtanach.
Tionscadail roimhe seo
Bhí an grúpa rannpháirteach i gcuid mhaith tionscadal thar na blianta, lenar áiríodh an taispeántas Bealtaine ar Leac an Dorais, lena ndearnadh fiosrú ar nósanna Bhealtaine áitiúla.
Ba thionscadal comhoibritheach é Bealtaine ar Leac an Dorais le hIonad Ealaíon Halla an Línéadaigh agus leis an Roinn Oideachais agus For-rochtana, Ard-Mhúsaem na hÉireann – Saol na Tuaithe. Ba cheiliúradh é de nósanna Bhealtaine áitiúla trí roinnt imeachtaí lenar áiríodh taispeántais, ceardlanna agus cainteanna, mar aon le deis chun nósanna Bhealtaine áitiúla a mhalartú agus a thaifeadadh.
Thug an Músaem cuireadh don ghrúpa chun páirt a ghlacadh sa tionscadal agus bhí siad thar a bheith díograiseach agus bláthanna iolracha cniotáilte agus cróiseáilte á ndéanamh acu i gcóiriú dathanna don taispeántas.
Rinne an Ciorcal Cniotála maisiúcháin na Nollag freisin le cur ar taispeáint ag an Músaem.
