Ar an teoiric go bhfuil baint idir íobairtí de dhaoine agus na mairbh sin a chur i bportaigh feadh theorainneacha dál agus deasghnátha ríogachta agus flaithiúnais, atá an taispeántas seo bunaithe.

Tá ábhar gaolmhar eile ar taispeáint, lena n-áirítear éide ríoga, feistíocht capall, airm, uirlisí féasta, comharthaí teorann agus taiscí móideacha ime ar a dtugtar im portaigh.

Gheofar sa taispeántas forléargas ginearálta ar an anailís agus ar a thábhachtaí atá sí chun na coirp seo a shuí i gcomhthéacs gineálta Eorpach. Déantar trácht, leis, ar choirp phortaigh Iarannaoise a fuarthas sa Danmhairg, sa Ghearmáin, san Ísiltír agus i Sasana.

Tá dhá chorp eile a fuarthas i bportaigh in Éirinn agus atá i mbailiúchán Ard-Mhúsaem na hÉireann - Fear Ghallach, Co. na Gaillimhe agus Fear Bhaile Bharúin Thiar, Co. Chill Dara - le feiceáil anseo freisin. Scrúdaítear tábhacht na gcorp portaigh don tseandálaíocht.