Leagtar amach le Cairt Custaiméirí Ard-Mhúsaem na hÉireann ár ngealltanas seirbhís ar fheabhas a chur ar fáil i gcomhréir le Prionsabail na Seirbhíse Ardchaighdeáin do Chustaiméirí agus Eispéireas na gCuairteoirí atá ceadaithe ag an Rialtas.  

Ár Misean: 

Déanann Ard-Mhúsaem na hÉireann rudaí a bhailiú agus a chaomhnú a bhaineann le stair agus le cultúr na hÉireann, agus a háit sa saol mór. Téann na bailiúcháin sin ar ais níos mó ná dhá chéad bhliain agus cuireann siad nasc ríthábhachtach dár stair choiteann agus aonair ar fáil. Déanann an músaem a dhícheall chun léiriú ar mhórtas náisiúnta a chruthú, a thacú agus a neartú. Tá sé mar aidhm againn acmhainn uathúil agus bharántúil a chur ar fáil do chuairteoirí chun foghlaim, cruthaitheacht, agus inspioráid a chur chun cinn trí eispéireas tarraingteach. 

Is í ár bhfís d’Ard-Mhúsaem na hÉireann ná músaem de chaighdeán idirnáisiúnta, a chaomhnaíonn agus a chuireann i láthair scéalta na hÉireann agus a háit sa saol mór. 

Is í ár n-aidhm ná: 

• Oidhreacht ábhair iniompartha agus stair dúlra na hÉireann a bhailiú agus a chaomhnú. 

• Na bailiúcháin a léiriú agus a chur chun cinn agus iad a chur ar fáil don lucht féachana sa bhaile agus thar lear trí thaispeántais agus cláir phoiblí. 

• Eispéireas cuartaíochta iontach agus ionchuimsitheach a chur ar fáil dár gceithre shuíomh músaeim. 

• A bheith mar ghuth iontaofa ar ghnéithe ábhartha d'oidhreacht, cultúr agus stair dúlra na hÉireann. 

• Oideachas, taighde agus scoláireacht a bhaineann leis na bailiúcháin a spreagadh agus a éascú trí rochtain dár gcnuasach stóir ag Ionad Acmhainní na mBailiúchán a chur ar fáil. 

Ár Luachanna:     

• Maoirseacht: Táimid freagrach as an gcúram proifisiúnta agus léiriú ar bhailiúcháin náisiúnta, lena ndearnadh taighde eolas dóibh, scoláireacht agus saineolas foirne.  

• Nuálaíocht: Tá sé mar aidhm againn ár gcumas a mhéadú chun ár mbailiúcháin a roinnt thar ardáin fhisiciúla agus ar líne, ag iniúchadh bealaí nuálach chun comhoibriú a dhéanamh thar oideachas, taighde, staidéar músaeim, forbairt eacnamaíoch agus eolaíocht.  

• Trédhearcacht: Déanaimid ár ndícheall chun déileáil le gach duine go hoscailte agus feidhmímid prionsabail láidre rialachais agus comhlíonta corparáide.  

• Inrochtaineacht: Táimid do gach duine. Cinnteoimid go bhfuil ár mbailiúcháin agus ngníomhaíochtaí forleathan agus déanaimid iarracht dul i teagmháil le lucht féachana nua. Tá sé mar aidhm againn rochtain uilíoch a chur ar fáil thar ár suíomhanna go léir.  

• Comhoibriú: Oibreoimid le heagraíochtaí agus pobail chun ár dtionchar a uasmhéadú agus ár gcaidreamh ag an leibhéal áitiúil, náisiúnta agus idirnáisiúnta a mhéadú.    

1. Caighdeáin Cáilíochta maidir le hEispéireas Custaiméirí agus Cuairteoirí 

Ár nGealltanas: 

Ba mhaith linn an t-eispéireas cuartaíochta agus an tseirbhís phoiblí is fearr is féidir a chur ar fáil duit. 

Trí eispéireas cuartaíochta den scoth is féidir leat a bheith ag súil le: 

• Foireann eolasach agus fháilteach a fhreagróidh do cheisteanna.  

• Cuairt shábháilte agus inrochtana, i láthair nó ar líne. 

• Taispeántais agus cláir phoiblí atá tarraingteach, soiléir agus ionchuimsitheach   

• Seirbhísí agus áiseanna atá glan agus inrochtana do chuairteoirí, agus atá ag obair i gceart.  

Leagtar amach leis an bplean gnímh agus Cairt Custaiméirí seo nádúr agus caighdeán na seirbhíse is féidir ár gcustaiméirí agus gcuairteoirí a bheith ag súil léi. Foilseofar ar líne agus taispeánfar go soiléir é ag ár suíomhanna.  

2. Tapúlacht Eolais agus Cúirtéis  

Ár nGealltanas: 

Tá Ard-Mhúsaem na hÉireann tiomanta d’eolas soiléir, tráthúil agus cruinn a chur ar fáil. Is féidir leat teagmháil a dhéanamh linn ar bhealaí éagsúla: ar an nguthán, trí ríomhphost, ar an suíomh gréasáin agus ar ardáin na meán sóisialta, nó i láthair, agus déileálfar le do theachtaireacht go pras agus go héifeachtach.  Táimid tiomanta do sheirbhís ardchaighdeáin mheasúil agus tharraingteach a sholáthar le cúirtéis agus le tuiscint. Cuirfidh ár bhfoireann sonraí teagmhála agus tagartha iomlána ar fáil i ngach teachtaireacht. 

Cumarsáid: 

• Caitear le gach cuairteoir go cúirtéiseach. 

• Beimid ar fáil chun glaonna gutháin a fhreagairt le linn gnáthuaireanta oibre, Luain go hAoine agus chun seirbhís teagmhála gutháin a chur ar fáil do chustaiméirí ar mhian leo dul i dteagmháil le Ard-Mhúsaem na hÉireann le linn uaireanta as oifig agus ag an deireadh seachtaine. Féach ar an liosta teagmhála mionsonraithe thíos a d’fhéadfadh cabhrú leat le do cheist.  

• Déanfaimid ár ríomhphoist as oifig a nuashonrú go rialta.  

• Admhóimid gach fiosrú laistigh de chúig lá oibre ón dáta go bhfuarthas iad agus cuirfimid gnátheolas ar fáil ar iarratas. Tógfaidh sé níos faide freagra a thabhairt d’iarratais amhail Saoráil Faisnéise agus Cosaint Sonraí. 

3. Gearáin  

Tá sé mar aidhm againn an t-eispéireas agus an tseirbhís is fearr is féidir a chur ar fáil do chuairteoirí agus do chustaiméirí. Má tá tú míshásta le caighdeán na seirbhíse a fuair tú, tá an ceart agat gearán a dhéanamh.  

Ár nGealltanas: 

Táimid tiomanta do ghearáin a réiteach go pras. Cinnteoimid go ndéileálfar le gach gearán ar chaoi chothrom agus chuí agus go ndéileálfar leo i modh rúin mura mian leis an ngearánach a mhalairt (agus i gcomhréir lenár n-oibleagáidí faoi Shaoráil Faisnéise agus Prionsabail na Cosanta Sonraí).  

Molaimid ar an gcéad dul síos go ndéanann tú teagmháil leis an duine aonair nó leis an roinn ábhartha sa mhúsaem a raibh tú ag déileáil leis d’fhonn iad a chur ar an eolas faoi d’imní.  

Cinnteoimid go n-admhófar gach gearán laistigh de 5 lá oibre ón dáta go bhfuarthas iad. Cinnteoimid go ndéanfar imscrúdú iomlán ar gach gearán agus go n-eiseofar freagra ar do ghearán laistigh de 20 lá oibre. Má tá tú míshásta leis an bhfreagra tosaigh ón duine aonair nó ón roinn ábhartha is féidir leat do ghearán a ghéarú chuig ár n-Aonad Gnóthaí Corparáide trí theagmháil a dhéanamh le (corporateaffairs@museum.ie). Glacann an NMI air féin clár gearán a choimeád arna bhainistiú ag an Aonad Gnóthaí Corparáide.  

Mura bhfuil tú sásta leis an gcaoi ar dhéileálaimid le do ghearán, is féidir leat an gearán a atreorú go dtí an Ombudsman lena athbhreithniú. Comhoibreoimid leis an Ombudsman nó le haon duine eile nó le haon eagraíocht a ghníomhaíonn ar do shon. Ní dhéanfar aon ní 

sa nós imeachta achomhairc seo difear do do chearta reachtúla faoi Fhoráil Faisnéise, Cosaint Sonraí nó aon reachtaíocht ábhartha eile. 

Oifig an Ombudsman, 6 Ardán Phort an Iarla, Baile Átha Cliath 2, D02 W773. 

Teileafón: 01 639 5600 Ríomhphost: ombudsman@ombudsman.gov.ie 

4. Achomhairc 

Ár nGealltanas: 

Coinneoidh Ard-Mhúsaem na hÉireann córas achomharc atá foirmeálta, dea-fhoilsithe, inrochtana, trédhearcach agus éasca a úsáid. Tá an ceart ag an gcuairteoir achomharc a dhéanamh lena n-achomharc mura bhfuil siad sásta leis an gcinneadh a rinneadh. Déanfaidh ball den Fhoireann Shinsearach Bainistíochta athbhreithniú ar a n-achomharc. Má tá an cuairteoir fós míshásta, cuirfimid iad ar an eolas maidir lena gceart breise an cheist a thabhairt os comhair an Ombudsman (féach ar na sonraí thuas).  

5. Rogha 

Ár nGealltanas: 

Cuirfidh Ard-Mhúsaem na hÉireann rogha, nuair is féidir, seachadadh inseirbhíse ar fáil. Táimid tiomanta do theicneolaíochtaí atá ag teacht chun cinn a úsáid chun rochtain uasta ar ár seirbhísí agus rogha agus caighdeán an tseachadta a chinntiú. 

• Bainfimid lánúsáid as teicneolaíochtaí nua agus atá ag teacht chun cinn chun roghanna seirbhísí agus bealaí ina nglacann cuairteoirí páirt sa bhailiúchán náisiúnta a leathnú.  

6. Comhordú Níos Fearr 

Ár nGealltanas: 

Tá Ard-Mhúsaem na hÉireann tiomanta do chur chuige níos comhordaithe agus comhtháite a chothú maidir lenár seirbhísí poiblí a sholáthar. Cinnteoimid comhoibriú agus comhordú leanúnach lenár bpáirtithe leasmhara go léir chun an bhealach ina nglacann cuairteoirí páirt san Ard-Mhúsaem a fheabhsú.  

7. Comhionannas, Éagsúlacht agus Ionchuimsiú 

Ár nGealltanas: 

Cuirfidh Ard-Mhúsaem na hÉireann seirbhís chun cinn atá inrochtana do gach duine, ag caitheamh lena gcustaiméirí le meas agus cúirtéis ag cinntiú nach ndéantar leatrom ar aon duine mar gheall ar a n-inscne, stádas teaghlaigh, stádas pósta, reiligiún, n-aois, gcine, mballraíocht den lucht siúil, ngnéaschlaonadh nó míchumas. Aithneoidh an Músaem agus féachfaidh sé le heispéireas a chur ar fáil a chuireann deireadh le bacainní do dhaoine thíos leis an mbochtaineacht agus eisiamh sóisialta agus dóibh siúd a bhfuil bacainní geografacha orthu maidir le rochtain a fháil ar bhailiúcháin. 

8. Rochtain fhisiciúil  

Ár nGealltanas: 

Cinnteoidh Ard-Mhúsaem na hÉireann go gcuirfimid seirbhísí agus áiseanna inrochtana agus glana ar fáil dár gcuairteoirí go léir. Cé nach bhfuil na hurláir uachtaracha in dhá cheann dár bhfoirgnimh reatha inrochtana do dhaoine a bhfuil a soghluaisteachta lagaithe, tá NMI i bpróiseas athfhorbartha caipitil ar na suíomhanna seo faoi láthair chun déileáil leis seo laistigh d’achar ama a phlean straitéisigh. Sna cásanna nach bhfuil bailiúcháin inrochtana go fisiciúil lorgóidh an Músaem réitigh teicneolaíochta chun rochtain a fháil ar an eolas. 

Faigh eolas breise anseo. 

9. Acht na dTeangacha Oifigiúla  

Ár nGealltanas: 

Táimid tiomanta go hiomlán seirbhísí ardchaighdeáin a chur ar fáil as Gaeilge de réir mar is cuí. Cinnteoimid go mbíonn an fhoireann i gcónaí ar fáil chun freastal ar chuairteoirí ar mhian leo cumarsáid a dhéanamh linn as Gaeilge. Tá scéim na Gaeilge 2021-2023 ar fáil le léamh anseo,   sonraítear leis seo conas atáimid ag comhlíonadh Acht na dTeangacha Oifigiúla 2003 chomh maith le sonraí a thabhairt faoi na seirbhísí a chuirimid ar fáil as Gaeilge agus as Béarla.  

10. Achtanna na Saorála Faisnéise, 2014 (FOI) 

Ár nGealltanas: 

Tugtar le hAchtanna na Saorála Faisnéise an ceart do dhaoine den phobal rochtain a fháil ar gach taifead oifigiúil, i bhformáid páipéir nó leictreonach. Tá rochtain ar eolas faoin Acht faoi réir díolúintí áirithe agus tá nósanna imeachta agus teorainneacha ama ar leith ag baint leis. 

Tá níos mó eolais faoi Shaoráil Faisnéise ar fáil  anseo.  

Más mian leat iarratas a dhéanamh faoi Shaoráil Faisnéise maidir le rochtain ar thaifid a chreideann tú i seilbh an NMI, ba chóir duit scríobh go dtí Oifigeach na Saorála Faisnéise ag lua go bhfuil iarratas á dhéanamh agat ar eolas faoi na hAchtanna Saorála Faisnéise. Is féidir leat iarratas Saorála Faisnéise a chur isteach trí ríomhphost freisin chuig foi@museum.ie 
 

11. Conas is féidir leat cabhrú linn? 

1. Tráchtanna agus moltaí faoinár seirbhís a chur ar fáil. 

2. Aon fhadhb a d’fhéadfadh teacht chun cinn a thuairisciú 

3. Páirt a ghlacadh in aon suirbhé custaiméara a dhéanaimid 

4. An t-eolas go léir a thabhairt dúinn a bhfuil de dhíth orainn chun cabhrú leat 

Mar chúiteamh, iarraimid ort:  

1. go mbeidh meas a bheith agat do ghailearaithe agus spásanna músaeim le linn do chuairte 

2. go gcaithfidh tú an fhoireann le cúirtéis agus meas 

3. go mbeidh meas a bheith agat ar chearta cuairteoirí agus custaiméirí eile 

4. go mbeidh tú cothrom agus macánta agus tú ag déileáil linn 

12. Monatóireacht agus measúnú a dhéanamh ar fheidhmíocht/Chomhairliúchán agus Meastóireacht?  

Déanfaimid measúnú ar ár bhfeidhmíocht i gcoinne na gcaighdeán atá leagtha amach sa Chairt Custaiméirí seo ar bhonn leanúnach agus foilseoimid an t-ábhar seo inár dtuarascáil bhliantúil.